Suna hay log usay aankh bhar k dekhtay hain Romantic Poetry By Ahmad Faraz

سنا ہے لوگ اُسے آنكھ بھر كے دیكھتے ہیں
تو اس کے شہر میں‌کچھ دن ٹھہر کے دیکھتے ہیں

سنا ہے ربط ہے اس کو خراب حالوں سے
سو اپنے آپ کو برباد کرکے دیکھتے ہیں

سنا ہے درد کی گاہک ہے چشمِ ناز اس کی
سو ہم بھی اس کی گلی سے گزر کے دیکھتے ہیں

سنا ہے اس کو بھی ہے شعر و شاعری سے شغف
تو ہم بھی معجزے اپنے ہنر کے دیکھتے ہیں

سنا ہے بولےتو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں

سنا ہے رات اسے چاند تکتا رہتا ہے
ستارے بام فلک سے اتر کے دیکھتے ہیں

سنا ہے دن کو اسے تتلیاں ستاتی ہیں
سنا ہے رات کو جگنو ٹھہر کے دیکھتےہیں

سنا ہے حشر ہیں‌اس کی غزال سی آنکھیں
سنا ہے اس کو ہرن دشت بھر کے دیکھتے ہیں

سنا ہے رات سے بڑھ کر ہیں‌کاکلیں اس کی
سنا ہے شام کو سائے گزر کے دیکھتے ہیں

سنا ہے اس کی سیہ چشمگی قیامت ہے
سو اس کو سرمہ فروش آہ بھر کے دیکھتے ہیں

سنا ہےجب سے حمائل ہے اس کی گردن میں
مزاج اور ہی لعل و گوہر کے دیکھتے ہیں

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں

سنا ہے اس کے لبوں سے گلاب جلتے ہیں
سو ہم بہار پہ الزام دھر کےدیکھتے ہیں

سنا ہے آئینہ تمثال ہے جبیں اس کی
جو سادہ دل ہیں‌اسے بن سنور کے دیکھتے ہیں

بس اک نگاہ سے لٹتا ہے قافلہ دل کا
سو راہ روانِ تمنا بھی ڈر کے دیکھتے ہیں

وہ سرو قد ہے مگر بے گل مراد نہیں
کہ اس شجر پہ شگوفے ثمر کے دیکھتے ہیں

بس اك نگاہ سے لوٹا ہے قافلہ دل كا
سو رہ روان تمنا بھی ڈر كے دیكھتے ہیں

سنا ہے اس کے شبستاں سے متصل ہے بہشت
مکیں‌ ادھر کے بھی جلوے اِدھر کے دیکھتے ہیں

کسے نصیب کے بے پیرہن اسے دیکھے
کبھی کبھی درودیوار گھر کے دیکھتے ہیں

رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں

کہانیاں ہی سہی ، سب مبالغے ہی سہی
اگر وہ خواب ہے تعبیر کرکے دیکھتے ہیں

اب اس کے شہر میں‌ٹھہریں کہ کوچ کر جائیں
فراز آؤ ستارے سفر کے دیکھتے ہیں‌‌

احمد فراز

Suna hay log usay aankh bhar k dekhtay hain
So uss k shehar main kuch din thehar k dekhtay han

Suna hay rabat hay uss ko kharab haalon sey
So apnay aap ko barbaad kar k dekhtay hain

Suna hay dard ki gahak he chashm e naaz uss ki
So hum bhi uss ki galli se guzar k dekhtay hain

Suna hay uss ko bhi hay sher o shairi se shaghaf
So hum bhi mo"jzay apnay hunar k dekhtay hain

Suna Hay bolay to baaton se phool jhartay hain
Yeh baat hay to chalo baat kar k dekhtay hain

Suna hay raat usay chaand takta rehta hay
Sitaray baam e falak se utar k dekhtay hain

Suna hay din ko usay tittliaan satatee hain
Suna hay raat ko jugnoo thehar k dekhtay hain

Suna hay Hashar hain uss ki ghazaal see aankhain
Suna hay uss ko haran dasht bhar k dekhtay hain

Suna hay raat se barh kar hain kaakulain uss ki
Suna hay shaam ko saaey guzar k dekhtay hain

Suna hay uss k labon se gulaab jaltay hain
So hum bahaar per ilzaam dhar k dekhtay hain

Suna hay aaina e tamsaal hai jabeen uss ki
Jo saada dil hain usay bun sanwar k dekhtay hain

Buss ek nigaah se lut"ta hay qafila dil ka
So rah rawan e tamanna bhi dar k dekhtay hain

Suna hay uss k shabisstaan se muttasil hai bahisht
Maseeh udhar k bhi jalway idhar k dekhtay hain

Rukay to gardishain bhi uss ka tawaf karti hain
Chalay to usko zamanay thehar k dekhtay hain

Kahaniaan he sahi, sub mubalghay he sahi
Agar wo khawb hy to taabir kar k dekhtay hain

Ab uss key shehar main thehrain k kooch kar jain
Faraz Aaao Sitaray Safar K Dektay Hain

کے ذریے ہمیں بتایں comments کیا آپ کو یہ غزل پسند ای اپنے

READ ROMANTIC URDU NOVELS